SEO లో ఉపయోగపడే కొన్ని ముఖ్యమైన వెబ్ సైటులు - గూగుల్ లో మొదటి పేజికి రావాలంటే (భాగం- 2)

క్రితంసారి చెప్పిన టపాకు ఇది మరో భాగం . మీ వెబ్సైటు లేదా బ్లాగులో పోస్టు వ్రాసేటప్పుడు ఉపయోగపడే వెబ్సైటులు ఇక్కడ ఇస్తున్నాను .

మీ బ్లాగులో  ఒక టపా వ్రాద్దామని కూర్చున్నారా ? అయితే ఒక్క క్షణం ఆగండి. ఆ టపా ఏ విషయం పై వ్రాద్దామని అనుకుంటున్నారు ? ఒకే సినిమాల గురించి అయితే ఏ "మహేష్ బాబు", వంటలు అయితే "పచ్చడి", రాజకీయాలు అయితే "కేసీయార్" .. సరేనా ! మరి మీరు వ్రాసేది ఎక్కువమంది చదవాలంటే ఎం చేయాలి ? ఎక్కువమంది గూగుల్ లో తమకు కావాల్సిన సమాచారం వెతుకుతూ ఉంటారు. అంటే "మహేష్ బాబు" అని టైప్ చేస్తే గూగుల్ మొదటి పేజిలో మీ బ్లాగు రావాలి అప్పుడు వారు మీ బ్లాగుకు వస్తారు . అలారావాలంటే ఏం చేయాలి ?

క్రింది వెబ్ సైట్ ఓపెన్ చేయండి : https://ubersuggest.io/

దానిలో మహేష్ బాబు అని టైప్ చేయండి. సెర్చ్ చేస్తే రిజల్ట్ క్రింది వింధంగా రిజల్ట్ వస్తుంది .

 దీనిలో ఆ పదానికి సరిపోయే , ఎక్కువగా వెతుకుతున్న పదాలు ఉన్నాయి . వీటినే కీ వర్డ్స్ అంటారు . వీటిని మీ బ్లాగు టపా యొక్క సారాంశం లో అవసరమైన చోట ఉపయోగిస్తూ కనీసం 400 పదాలతో ఒక టపా వ్రాయండి .

బ్లాగు పోస్టు వ్రాసాక ?

సరే మొత్తానికి ఒక బ్లాగు టపా పూర్తి  చేసారుగా .. మరి సెర్చ్ ఇంజన్స్ లో దాన్ని జత చేయాలి ఇప్పుడు . ఎందుకు ?? ఎందుకంటే మీరు టపా వ్రాసినట్లు గూగుల్ కి ఎలా తెలుస్తుంది. ఉదాహరణకు మీరు ఒకరి ఇంటికి వెళ్ళినప్పుడు కాలింగ్ బెల్ కొడతారు. కొడితే వాళ్ళు వెంటనే తలుపు తీస్తారు. ఒక వేళ కాలింగ్ బెల్  కొట్టక పొతే ? వారు తలుపు తీసినప్పుడే లోనికి వెళ్ళాలి . అలా అన్నమాట ! గూగుల్ కి సమాచారం అందిస్తే ఆ రోబోట్స్ త్వరగా మీ బ్లాగుకు వస్తాయి . దానికి  క్రింది వెబ్సైటు బాగా ఉపయోగ పడ్తుంది . అలాగే గూగుల్ యొక్క వెబ్ మాస్టర్ టూల్స్ కూడా . వీటి గురించి తర్వాత చెప్పుకుందాం


https://pingler.com/

ఒకే ! ముగించేలొగా మీకు ఉపయోగపడే మరో వెబ్ సైట్ క్రింద ఉంది .


http://www.webpagetest.org/

దీని ద్వారా ప్రపంచంలోని వివిధ ప్రదేశాలనుండి మీ వెబ్ సైట్ యొక్క స్పీడ్ ఎలా ఉందొ చూడొచ్చు . వెబ్సైట్ స్పీడ్ ఐదు సెకన్ల కన్నా తక్కువ , రిక్వెస్ట్ ల సంఖ్య దాదాపు  100  ఉండేలా చూసుకోండి . వివరంగా తర్వాత చూద్దాం. 

Posted in: Search Engines, SEO, seo tips in telugu, telugu seo